नेपाली बजारमा औपचारिक रुपमा हुन्डाईको नयाँ जेनेरेशन टुसान सार्वजनिक भएको धेरै दिन भएको छैन । नेपालका लागि हुन्डाई मोटर्सको आधिकारीक वितरक लक्ष्मी इन्टरकन्टिनेन्टल प्रालिले गत हप्ता फेसबुक लाइभमार्फत भर्चुअल रुपमा सो गाडी सार्वजनिक गरेको हो । ‘मोस्ट डाइनामीक एन्ड ट्रेन्डी’ डिजाइनको कारण विश्वभर नयाँ जेनेरेशन टुसानलाई ‘एउटा डिजाइन रिभोलुसन’को संज्ञा दिइएको कम्पनिले जनाएको छ । हाल नेपाली बजारमा उपलब्ध टुसान चौथो जेनेरेसन मोडल हो भने हाल सार्वजनिक भएको टुसानमा डिजाइन र फिचर पहिलेको टुसान भन्दा धेरै फरक रहेको छ ।

२ हजार सीसी क्षमता रहेको नयाँ जेनेरेशन टुसान नेपाली बजारमा  विभिन्न ४ भेरियन्ट उपलब्ध छन । नयाँ टुसान जिएलएस टु ह्वील ड्राइभ म्यानुअल (पेट्रोल), जिएलएस टु ह्वील ड्राइभ अटोमेटीक (पेट्रोल), जिएलएक्स टु ह्वील ड्राइभ अटोमेटीक (पेट्रोल) र जिएलएक्स फोर ह्वील ड्राइभ अटोमेटीक (डिजेल) गरी ४ भेरियन्टमा सार्वजनिक गरिएको हो । यसमा रहेको फोर ह्वील ड्राइभिङ सिस्टमले नयाँ टुसानलाई अलग पहिचान दिएको कम्पनीले जनाएको छ । यस्तो छ हुन्डाई नयाँ जेनेरेशन टुसानको भेरियन्ट अनुसारको नेपाली बजार मुल्य:

नयाँ जेनेरेशन टुसानको भेरियन्ट अनुसारको नेपाली बजार मुल्य:

मोडल	इन्धन	इन्जिन क्षमता	नयाँ मुल्य
टुसान जिएलएस टु ह्वील ड्राइभ म्यानुअल	पेट्रोल	१९९९ सिसी	रु. ८९,९६,०००
जिएलएस टु ह्वील ड्राइभ अटोमेटीक	पेट्रोल	१९९९ सिसी	रु. १,०७,९६,०००
जिएलएक्स टु ह्वील ड्राइभ अटोमेटीक	पेट्रोल	१९९९ सिसी	रु. १,१४,९६,०००
जिएलएक्स फोर ह्वील ड्राइभ अटोमेटीक	डिजेल	१९९९ सिसी	रु. १,३४,९६,०००

नेपाली अटो बजार संबंधित सम्पुर्ण ताजा गतिविधि अनि जानकारीका लागी nepalautotrader.com को Twitter, Facebook, LinkedIn, Reddit पेज follow गर्नुका साथसाथै हाम्रो nepalautotrader को YouTube च्यानल पनि subscribe गर्नु होला ।