आउने भयो टाटा नानो इलेक्ट्रीक भर्सनमा

केही समय उक्त  टाटा मोर्टसले संसारकै सस्तो कारको रुपमा टाटा नानो उत्पादन गर्यो। टाटाको त्यही नानो कार अब इलेक्ट्रीक भर्सनमा आउने भएको छ । टाटा मोटर्सले  ओला क्याबसँग मिलेर नानो इलेक्ट्रीक कार उत्पादन गर्ने योजना बनाएको हो । टाटा मोटर्सले ब्रिटेन स्थित टाटा मोटर्स युरोपियन टेक्निकल सेन्टरसँग मिलेर इलेक्ट्रीक कार टेक्नोलोजीका लागि कार्य गरिरहेको छ ।

विद्युतीय सवारीले प्रदूषण ज्यादै कमगर्ने र वातावरण स्वच्छ हुने भएकाले सवारी उत्पादकहरूको ध्यान विद्युतीय सवारीतर्फ खिचिएको छ । इलेक्ट्रीक नानो कार एक पटक फूलचार्ज गरेपछि १५० किलोमिटरभन्दा धेरै गुड्ने दावी मिडिया रिपोर्टमा गरिएको छ । तर, कम्पनीले यसको आधिकारिक पुष्टी भने गरेको छैन ।

टाटा मोटर्सले इञ्जिन र ट्रान्समिसन बाहेकको पूर्णरुपमा नानो बडी जयेम अटोलाई उपलब्ध गराउने छ । जयेम अटोले नै इलेक्ट्रीक कारको निर्माण र बजारीकरण गर्नेछ ।जयेम अटोलाई इलेक्ट्रीक ड्राइभ सिष्टमचाहिँ इलेक्ट्रा ईभीले उपलब्ध गराउनेछ । जयेम अटो र टाटा मोटर्सले विभिन्न परियोजनाहरूमा सहकार्य गरिरहेका छन् । निओमा ४८ भोल्टको इलेक्ट्रीक सिष्टम हुनेछ, जसले १७ किलोवाटको पावर प्रदान गर्नेछ ।

पहिलो चरणमा ओलाका लागि ४ सय निओ उपलब्ध गराइने बताइएको छ । यो कारलाई ओलाले ट्याक्सीको रुपमाप्रयोग गर्ने अनुमान गरिएको छ । टाटा मोटर्सले पहिलोपटक सन् २०१० को जेनेभामोटर शोमा नानो इलेक्ट्रीक कन्सेप्ट कारको प्रदर्शन गरेको थियो । अबको केही समयमा यो कारको उत्पादन सुरुहुने अनुमान गरिएको छ । यसको मूल्यलगातका बिषमा केही खुलाइएको छैन ।

Share Page

0 Comments

Write a comment

menu
menu