नेपाली बजारमा प्रिमियम स्पोर्टस् बाइकको क्रेजलाई मध्यनजर गर्दै एमभी अगष्टाको आधिकारीक वितरक भेलोसिटी प्रालिले एमभी अगष्टाको ४ नयाँ मोडलहरु नेपालमा सार्वजनिक गरेको छ । एमभी अगस्टाले ब्रुटाले ८००आरआर, ड्रयागस्टर ८००आरआर पिरेली (लिमिटेड एडिसन), टुरिज्मो भिलभ ८०० र ड्रयागस्टर ८००आरआर अमेरिका (लिमिटेड एडिसन) कम्पनिले नेपाली बजारमा भित्र्याएको हो । एमभी अगष्टा इटालियन मोटरसाइकल उत्पादन गर्ने एक बहुप्रतिष्ठित कम्पनीको रुपमा स्थापित रहेको छ ।

एमभी अगस्टाका यी ८०० सीसी इन्जिन क्षमताका मोटरसाइकले १४० हर्सपावर तथा ८७ एनएम टर्क जेनेरेट गर्छ । त्यसै टुरिज्मो भेल्भोका रहेको ८०० सीसी इन्जिनले ११० हर्सपावर र ८० एनएम टर्क जेनेरेट गर्छ । सो मोटरबाइकहरु निलो र डार्क ग्रे रंगमा उपलब्ध छन । एमभी अगस्टा मोटरबाइकमा सर्वोत्कृष्ट पर्फमेन्स, प्रतिष्ठित डिजाइन, एडभान्स तथा उच्चस्तरीय पदार्थ र इन्जिनियरिङ्ग टेक्नोलोजी प्रयोग गरिएको छ ।कम्पनीको शोरुम हाल कान्तिपथमा रहेको छ जसले जहाँ ग्राहकले यी बाइक खरिद गर्नका साथै सर्भिस, स्पेयर पार्ट्स र एसेसरिज प्राप्त गर्न सक्ने छन् ।

एमभी अगस्टाका मोटरसाइकलको  मूल्यसूची:

मोडल	मूल्यसूची
ब्रुटाले ८०० आरआर	४८ लाख ९० हजार
ड्रयागेष्टर ८०० आरआर पिरेली एडिशन	५९ लाख ९० हजार
ड्रयागेष्टर ८०० आरआर अमेरीका एडिशन	५७ लाख ९० हजार
टुरिज्मो भेल्भो ८००	५७ लाख ९० हजार