नेपालका लागि होन्डा मोटरसाइकल तथा स्कुटरको अधिकारिक बिक्रेता स्याकार ट्रेडिङ्ग कम्पनी प्रालिले होन्डा हाइनेस सिबी ३५० डिलक्स अब चाँडै नेपाली बजारमा विक्री सुरु गर्ने भएको जनाएको छ । होन्डाको नयाँ मोटरसाइकल हाइनेस सीबी ३५० अनौपचारिक रुपमा नेपाल भित्रिसकेको छ र यसको बुकिङ पनि खुल्ला भइसकेको छ । निषेधाज्ञा सकिएपछि यसको विक्री सुरु हुने कम्पनीले जानएको छ । यो मोटरसाइकलको मूल्य ७ लाख ५० हजार निर्धारण गरिएको छ भने सुरुवाती समयमा बुकिङ गर्ने ग्राहकका लागि ५० हजार नगद छुट प्रदान गर्ने कम्पनीले जानएको छ ।

हाइनेस सीबीमा ३४८.३६ सीसीको सिंगल सिलिन्डर एयरकुल्ड इन्जिन छ, जसले ५,५०० आरपीएममा २०.८ बीएचपी पावर र ३० एनएम टर्क जेनेरेट गर्दछ  ।  होन्डा हाइनेस सीबी ३५० दुई भेरिएन्ट डीएलएक्स र डीएलएक्स प्रो मा उपलब्ध हुनेछ । १३.५ लिटर क्षमताको ठूलो इन्धन ट्याङ्की दिइएको यो मोटरसाइकलमा स्लिपर क्लचको साथमा ६ स्पिड ट्रान्समिसनको सुविधा रहेको छ । एक पटकको फुल ट्याङ्क इन्धनले यसलाई ३५० किलोमिटर कुदाउन सकिने कम्पनीको भनाइ छ । सो मोटरबाइकमा सिंगल च्यानल एबीएस सहित दुवै पांग्रामा डिस्क ब्रेक रहेको छ । 

होन्डा हाइनेस सीबी ३५० मा रियल टाइम माइलेज, एभरेज माइलेज र डिस्ट्यान्स टू इम्पीटी सूचित गर्ने डिजिटल कन्सोल, रिङ्ग टाइप विंकर सहित एलइडी हेड ल्याम्प र टेल ल्याम्प, एस्सिट एण्ड स्लीपर क्लच, डिजिटल मिटर, लामो र आरमदायी सिट जस्ता विशेषता पाउन सकिन्छ । सीबी ३५० को तौल १ सय ८१ किलोग्राम छ भने बाइकको अघिल्लो भागमा एलईडी लाइटको प्रयोग गरिएको छ । १७ इन्चको अलोय ह्विलका साथमा सो बाइकमा ट्युबलेस टायर दिइएको छ । होन्डाको हाइनेस सीबी सानो छ तर मेटल बडीका कारण हेभी छ । 

कम्पनीले होन्डा हाइनेस सीबी ३५० लाई निषेधाज्ञा सकिएपछि नेपाली बजारमा बजारमा उतार्ने जनाएको छ ।  होन्डाको आधिकारिक वितरक स्याकार ट्रेडिङ कम्पनीले यसको लागि अनलाइन बुकिङ लिन प्रारम्भ गरेको छ । हाइनेस सिबी ३५० विभिन्न तीन कलरमा उपलब्ध हुने स्याकार ट्रेडिङले जनाएको छ । हाल बुकिङ गर्ने ग्राहकले ५० हजार रुपैयाँ छुट पाउने कम्पनीको भनाइ छ भने बुकिङका लागि यो लिंकमा क्लिक गर्न सकिन्छ । यो मोटरसाइकलले रोयल इन्फिल्ड र जावाका उत्पादनसँग प्रतिस्पर्धा गर्ने छ ।