Home / Blogs / नयाँ क्रसफायर ट्रयाकर २५० नेपाली बजारमा सार्वजनिक
  • Latest Bikes
  • 0

नयाँ क्रसफायर ट्रयाकर २५० नेपाली बजारमा सार्वजनिक

Nepal Auto Trader

Share this News

image

नेपालका लागि क्रसफायरको आधिकारिक वितरक क्लासिक ह्विल एक्सपोर्ट एन्ड इम्पोर्टले क्रसफायर ट्रयाकर २५० मोटरसाइकलको अपडेटेड भर्सन नेपाली बजारमा सार्वजनिक गरेको छ ।  कम्पनीले केही समय अगाडी ट्रेकर २५० सोसल मिडिया प्लेटफर्मबाट नेपाली बजारमा सार्वजनिक गरेको हो । गत अगस्ट महिनामा यसको प्राइमेरी भर्सन नेपाली बजारमा सार्वजनिक भएको थियो भने अब कम्पनीले केही फिचर अझै अपडेट गरेर सार्वजनिक गरेको जनाएको छ । कम्पनीले यसको ग्राफिकमा समेत परिर्वत गरेको जनाएको छ ।


क्रसफायर ट्रेकर २५० मा २४८ सीसी इन्जिन रहेको छ जुन इन्जिनले २० एचपी पावर र १८।५ एनएम टर्क उत्पादन गर्दछ । यस अघि विक्री भएको ट्रेकर २५० मा ५ स्पीडको गियरबक्स रहेको छ भने नयाँ ट्रेकर २५० मा ६ स्पीडको गियरबक्स जडान गरिएको छ । ट्रेकर २५० को लम्बाई १९८० एमएम, चौडाई ८२० एमएम, उचाई १२२० एमएम, १३८० एमएम ह्वीलवेस र २४० एमएम ग्राउन्ड क्लियरेन्स रहेको छ । सो बाइकमा ७।५ लिटरको इन्धन ट्याङ्की दिइएको छ भने यसको तौल ११५ केजी रहेको छ । सो बाइकले ३० किलोमिटर प्रतिलिटर माइलेज दिने छ ।


नयाँ क्रसफायर ट्रेकर २५० मा फ्रन्ट र रियर दुवैमा अपग्रेड गरिएको वेभ डिस्क ब्रेक रहेको छ । ट्रेकर २५० को ह्वील रिम र बडि फ्रेममा रेड कलर  दिइएको छ भने यसमा युएसबी चाजिर्ङ पोर्ट, डिजिटल क्लस्टर, गियर इन्डिकेटर, अपग्रेडेड रबर फुट पेग्स, आल्मुनियम इन्जिन स्किड जस्ता फिचर उपलब्ध रहेको छ ।  दुबै बाइकमा फराकिलो र ठूलो टायर दिइएको छ जुन अफरोड तथा अनरोड दुबैमा उपयुक्त हुनेछ । यसमा शानदार ग्राफिक्स, स्टाइलीस हेडलाईट, स्लीक सेप इन्डिकेटर र एलईडी टेल लाइट पनि दिइएको छ ।


नयाँ क्रसफायर मोटरसाइकल ब्ल्याक रेड र ब्ल्याक ग्रे गरी दुई कलर अप्सनमा उपलब्ध हुने कम्पनीले जनाएको छ । नयाँ मोटरसाइकलकको मूल्य भने कम्पनीले सार्वजनिक गरेको छैन् भने हाल विक्री भइरहेको ट्रेकर २५० को नेपाली मूल्य ३ लाख ४८ हजार रुपैयाँ रहेको छ । औपचारिक सार्वजनिक पश्चात मात्र यसको मूल्य सार्वजनिक गरिने छ । अबको केही दिनमै यो मोटरसाइकल टेस्ट राइड र डेलिभरीका लागि उपलब्ध हुने कम्पनीले जनाएको छ । सो बाइकले हिरो एक्सपल्स २०० र मोटरहेड मोटरसाइकल संग प्रतिस्पर्धा गरिरहेको छ ।


नेपाली अटो बजार संबंधित सम्पुर्ण ताजा गतिविधि अनि जानकारीका लागी nepalautotrader.com को TwitterFacebookLinkedInReddit पेज follow गर्नुका साथसाथै हाम्रो nepalautotrader को YouTube च्यानल पनि subscribe गर्नु होला ।


Our latest comments