नेपाली बजारमा बजाजको आधिकारीक विक्रेता हंशराज हुलास चन्द एण्ड कम्पनीले नयाँ बजाज डोमिनार २५० को बिक्री सुरु गरेको छ । सो कम्पनीले आफ्नो नेपाल भर रहेकाे डिलर नेटवर्कबाट डाेमिनार २५० काे विक्री सुरू गरेकाे जानकारी दिएको छ  । कम्पनीले यसको नेपाली मूल्य ४ लाख ८९ हजार ९ सय निर्धारण गरेको छ । क्यान्योन रेड र चार्कोल ब्ल्याक रंगमा डोमिनार २५० नेपाली बजारमा  उपलब्ध रहेको छ  । 

बजाज डोमिनार २५० मा २४८.७७ सिसी एफआइ इञ्जिन जडान गरिएको छ, जसले ८५०० आरपीएममा २७ पीएस पावर र ६५०० आरपीएममा २३.५ एनएम टर्क प्रदान गर्नेछ । सो बाइकमा सिङ्ल सिलिन्डर, लिक्विडकुल्ड, ट्विनस्पार्क, ४–स्ट्रोक, ४–भल्व राखिएको छ । यसमा ६ स्पीड म्यानुयल गियरबक्स रहेको छ ।  १३२ किमी प्रति घण्टासम्म सम्मको रफ्तारमा गुड्नसक्ने यो मोटरसाइकल १०.५ सेकेन्डमा ०–१०० किमि प्रतिघन्टाको स्पिडसम्म कुद्न सक्ने कम्पनीले बताएको छ ।

बजाज डोमिनार २५० मा डोमिनार ४०० मा रहेको थुप्रै विशेषताहरु राखिएको कम्पनीले जनाएको छ । यसमा सबै लाइट एलइडी प्रयोग गरिएको छ । अलोय ह्वील, स्प्लीट सिट,मस्कुलर फ्यूल ट्याङ्क, फुल डिजिटल इन्ट्रुमेन्ट क्लस्टर, सिग्नेचर एलइडी हेडल्याम्प, अटोमेटिक हेडल्याम्प, युएडी फर्क, स्लिपर क्लच जस्ता थुप्रै विशेषता हरु रहेका छन  । त्यस्तै यसमा अगाडि ३०० एमएम डिस्क छ भने पछाडि २३० एमएम डिस्क छ । नयाँ बजाज डोमिनार २५० डुअल–च्यानल एबिएसमा पनि उपलब्ध छ ।