जापानी मोटरसाइकल कम्पनी यामाहाले ‘एमटी’ अर्थात् ‘मास्टर अफ टर्क’ सिरिजको उत्पादन सन् २००५ बाट थालेको थियो । यामाहाले नेपाली बजारमा आफ्नो बजार हिस्सा बढाउन सबै किसिमको प्रयास गरिरहेको छ । २०१९ को सुरुवातमा एमटी १५ सार्वजनिक गरेको कम्पनीले यही बर्षको अन्तिमसम्ममा एमटी २५ सार्वजनिक गर्ने अनुमान गरिएको छ ।

कम्पनीले ५०० सीसीभन्दा कम क्षमताको हाई पर्फमेन्स प्रिमियम मोटसाइकल सेग्मेन्टमा आफ्नो बजार हिस्सा बलियो बनाउन एमटी २५ नेकेड भर्सन मोटरसाइकल ल्याउन लागेको जनाइएको छ । निकै एग्रेसिभ, सार्प र बोल्ड डिजाइनमा निर्माण भएको यो मोटरसाइकलमा क्र्फ्टेड लुकिङ हेडल्याम्प, फुल्ली डिजिटल इन्ट्रुमेन्ट क्लस्टर, आर्कषक फिउल ट्याङ्क दिइएको छ ।

इन्डोनेसियाली बजारमा २०१५ मा सार्वजनिक भएको एमटी २५ मा फरक डिजाइनको हेडलाइट, फेयरिङ (ट्यांक वरपरको एयर स्कुप) र पछाडिको भागमा फरकखाले ‘कावल’ थियो । यसमा २४९ सीसीको प्यारालर ट्विन सिलिन्डर, फोर स्ट्रोक र लिक्विड कुल्ड इन्जिन थियो जसले १२००० आरपीएममा अधिकतम ३६ एचपी पावर र १०००० आरपीएममा २२ एनएम टर्क उत्पन्न गथ्र्यो ।

आरामदायी चालक सिट, स्प्लीट पिलियन सिट, स्प्लीट ग्रयाब रेल, कम्प्याक्ट एण्ड सार्प एलइडी टेललाइट, स्पोर्टी रिम सहितको अलोय ह्वीलजस्ता फिचरले मोटरसाइललाई प्रिमियम बनाएको छ ।  यसले प्रतिलिटर ३० देखि ३५ किलोमिटर माइलेज दिने अनुमान गरिएको छ ।

दुबै चक्कामा डिस ब्रेकसहित आउने यामाहा एमटी २५ मा डबल च्यानल एबीएस दिइएको छ । अगाडि टेलिस्कोपिक फर्क र पछाडि मल्टी स्टेप एड्जस्ट गर्न मिल्ने मोनोसक दिइएको छ । भारतीय बजारमा अनुमान गरेकै समयमा सार्वजनिक भए यो मोटरसाइकल त्यसको केही महिनापछि नेपाली बजारमा आउने अनुमान गर्न सकिन्छ ।

यामाहाले सन २०१४ मै एमटीको सबैभन्दा कम इन्जिन क्षमता भएको एमटी १२५ बजारमा ल्यायो जुन यामाहा एफजीएफ आर१२५ को नेकेड भर्सन थियो । तर यसको राइडिङ पोजिसन र स्टि्रट फाइटर डिजाइन भने आर१२५ को भन्दा फरक थियो । यसको स्टाइल एमटी ०९ र ०७ बाट प्रभावित थियो ।