रोयल इन्फिल्ड बाइक मात्र होइन, ‘स्टाइल’ हो, ‘ब्रान्ड’ हो। अलि बढी पैसा तिर्न सक्ने क्षमता र ‘क्लासिक’ मनपराउने बाइक पारखीका रोयल इन्फिल्ड सधैं पहिलो रोजाइमा पर्छ। रोयल इन्फिल्डले बाइकहरुमा कमै मात्र अपडेट गर्ने गरेको पाइन्छ । क्लासिक ३५०, भारतमा लागु हुने नयाँ इमिशन मापदन्ड बीएस ६ अनुरुपको इन्जिन, परिवर्तीत गियरबक्स र सुधारिएको लुक्समा आउने भएको हो । यसको परिमार्जित संस्करण २०२० ले पनि उत्कृष्ट बजार पाउने कम्पनीको अपेक्षा छ ।

अपकमिङ क्लासिक ३५० रेगुलर मोडलभन्दा आकर्षक स्टाइलमा आउने छ । यसको अग्र भागमा फरक खालको राउन्ड हेडल्याम्प लगाइने छ भने, नयाँ शोरुपको एलइडी हेडल्याम्प जडान गरिने छ । यसमा परिमार्जित तथा आकारमा केही ठूलो साइजको इन्धन ट्यांकी दिने बताइएको छ । यसले मोटरसाइकलको यात्रा गर्ने दुरी बढाउने कम्पनीले दाबी गरेको छ ।  यसमा स्पोर्टी लुक्सको नयाँ रियर ग्राब रेल र नयाँ एलइडी टेलल्याम्प लगाइने छ ।

रोयल इनफिल्ड क्लासिक ३५०सीसीको इन्जिन, हेडलाईट क्यासिङ्ग, फ्युल ट्याङ्क, डुअल डिस्क ब्रेक, ओभल टुलबक्स, एक्सहसष्ट फाइनस्, स्पिडो मिटर डायलस्, सिंगल सिट स्प्रिङ, स्याडल टेल लाइट एसेम्ब्री र हेडलाईट क्याप सहित उपलब्ध छ । अपकिमंङ क्लासिक ३५० मा पुरानो मोडलमा भएको लो हाइ बीम र पास स्विचलाई रिप्लेश गर्दै रोटेटरि डायल लगाइने छ । स्विच स्टार्ट गर्न सहज होस भनेर राइट ह्यान्ड साइडमा रोटेटरि स्विच गियर जडान गरिने छ । यसमा परिमार्जित इन्स्ट्रुमेन्ट क्लस्टर, एनालग स्पिडोमिटर युनिट जडान गरिने छ । स्पिडोमिटरको तल नयाँ डिजिटल स्क्रिन लगाइने छ । 

रोयल इनफिल्ड ३५० सीसी क्लासिक नेपाली युवाहरुको ड्रिम र अत्यन्त लोकप्रिय ब्राण्ड हो ।यसमा सिंगल डाउन ट्युब फ्रेम र नयाँ डबल क्रेडल फ्रेम लगाइने छ । नयाँ फ्रेमले ह्यान्डलिङलाई थप सहज बनाउने छ । यसको फ्रन्टमा ३७ एमएमको टेलिस्कोपिक फर्क र रियरमा ग्यास चार्ज सक याब्र्जबर जोडिने छ । दुबै साइडमा डिस्क ब्रेकको सुविधा दिइने बाइकमा डबल च्यानल एबीएसको विशेषता समेटिने छ । 

यसमा उपलब्ध नयाँ इन्जिनले उत्कृष्ट आउटपुट दिने छ । ३७५ सीसीको इन्जिनले पुरानो मोडलमा उपलब्ध इन्जिनको तुलनामा बढि पावर प्रदान गर्ने कम्पनीले जनाएको छ । रेगुलर मोडलमा उपलब्ध ३४६ सीसीको एयरकुल्ड इन्जिनले २० पीएस पावरका साथै २८ एनएम टर्क उत्पादन गर्छ ।  रोयल इनफिल्ड कम्पनीले आफ्ना ग्राहकहरुको मागलाई पूूर्तिगर्न दू्रतगतिका साथ उत्पादन बढाईरहेको छ । रोयल इनफिल्ड विगत ५ वर्ष देखि ४० प्रतिशतका दरले बृद्धि हासिल गरिरहेको छ ।