एमजी अर्थात मोरिस ग्यारेजको आधिकारिक वितरक पारामाउन्ट मोटर्सले नेपाली बजारमा छिट्टै नै नयाँ एसयूभी ‘एचएस’ ल्याउने तयारी गरेको छ । लकडाउन खुलेर स्थिति सहज भए पश्चात सो गाडी नेपाली बजारमा उपलब्ध गराउने तयारी भइरहेको पारामाउन्ट मोटर्सका जनरल म्यानेजर सचिन अर्यालले बताए ।
हाल नेपाली बजारमा उपलब्ध एमजी जेडएस भन्दा ठूलो आकारमा रहेको एमजी एचएस विश्व बजारमा १.५ लिटर र २.० लिटर गरी दुई इन्जिन अप्सनमा उपलब्ध भए तापनि नेपाली बजारमा भने १.५ लिटर इन्जिन अप्सनमा उपलब्ध हुनेछ । यसको मूल्य विभिन्न भेरिएन्ट अनुसार ६० लाख देखि ७५ लाख रुपैयाँ सम्म हुने अनुमान गरिएको छ ।
यसमा भएको टर्बोचार्ज्ड फोर सिलिन्डर इन्जिनले १६२ बीएचपीको पावर र २५० एनएमको टर्क जेनेरेट गर्छ । यसमा ६–स्पिड गियरबक्स छ ।एमजी एचएसको इन्टेरियर विशेष प्रिमियम स्टाइलको छ । यसमा १०.१ इनचको इनफोटेनमेन्ट सिष्टम छ, जुन एप्पल कारप्ले र एन्ड्रोइड अटोको सपोर्टमा चलाउन सकिन्छ । यसमा भएको ३६० डिग्री क्यामेरा र अटो क्लाइमेट सिष्टमले गाडी चलाउन झनै सहज बनाउछ ।
एमजी एचएसमा फोरवे इलेक्ट्रिक एड्जस्टेबल लेदर सिट, प्यानोरामिक सनरुफ, आकर्षक ड्यासबोर्ड कलर र सुरक्षाका लागि ६ वटा एयरब्याग र एबीएस तथा ईबीडीलगायतका विभिन्न सुरक्षात्मक संयन्त्र समेत छन् ।
PREVIOUS NEWS
NEXT NEWS