नेपाली बजारमा युवा वर्गको सबैभन्दा बढी रोजाइमा पर्ने मोटरसाइकल मध्य एक हो केटीएम । केटीएमले आफ्ना सम्पूर्ण मोडल बीएस ६ मा आधारित रहेर नेपाली बजारमा विक्री तथा बितरण गर्दै आएको छ । नेपालका लागि केटीएम मोटरसाइकलको आधिकारिक वितरक हंशराज हुलासचन्द एण्ड कम्पनीले सन् २०२१ को सुरुवातदेखि नै सबै केटीएमका मोडलहरु बीएस ६ भर्सनमा विक्री गर्दै आएको छ । केटीएमले २०० सीसीदेखि ७९० सीसीसम्मका मोटरसाइकल नेपाली बजारमा विक्री गर्दै आएको छ ।
कम्पनीले विभिन्न ८ मोडलका मोटरसाइकल ड्यूक १२५, ड्यूक २००, ड्यूक २५०, ड्यूक ३९०, ड्युक ७९०, केटीएम आरसी २००, आरसी ३९० र एड्भेन्चर २५० बीएस ६ इन्जिनमा नेपाली बजारमा बिक्री तथा वितरण गर्दै आएको छ । हाल उपलब्ध सबै बिएस ६ मोडलमा स्प्लिट ट्रेलिस फ्रेम, ट्याङ्क र हेडल्याम्प अपग्रेड गरिएको छ । सबै मोडलका मोटरसाइकल बीएस ६ इन्जिनमा आएसँगै केही मूल्य समेत वृद्धि गरिएको छ भने कम्पनीले नयाँ मूल्यसूची सार्वजनिक गर्दा केही मोडलको मूल्य कटाैती समेत गरेकाे छ । यस्तो छ सबै केटीएम मोटरसाइकलको नयाँ मूल्यसूची ।
केटीएम मोटरसाइकलको नयाँ मूल्यसूची:
मोडल | इन्जिन क्षमता | नयाँ मूल्य |
केटीएम २०० ड्युक | १९९.५ सिसी | रु. ५,४४,९०० |
केटीएम २५० ड्युक | २४८.८ सिसी | रु. ७,०४,९०० |
केटीएम ३९० ड्युक | ३७३.२ सिसी | रु. ९,९९,००० |
केटिएम २५० एड्भेन्चर | २४८.८ सिसी | रु. ८,१९,९०० |
केटीएम ३९० एड्भेन्चर | ३७३.२ सिसी | रु. १०,८९,९०० |
केटीएम आरसी २०० | १९९.५ सिसी | रु. ६,५९,९०० |
केटीएम आरसी ३९० | ३७३.२ सिसी | रु. ९,४४,९०० |
केटीएम ७९० ड्युक | ७९९ सिसी | रु. २३,९९,००० |
नेपाली अटो बजार संबंधित सम्पुर्ण ताजा गतिविधि अनि जानकारीका लागी nepalautotrader.com को Twitter, Facebook, LinkedIn, Reddit पेज follow गर्नुका साथसाथै हाम्रो nepalautotrader को YouTube च्यानल पनि subscribe गर्नु होला ।