भारतमा निर्माण भएको कियाको पहिलो गाडी ‘सेल्टोस’ एसयुभी नेपाल आउने भएको छ। हालै सार्वजनिक गरिएको किया सेल्टोस एसयूभी नेपाली बजारमा आगामी डिसेम्बरमा लन्च हुने भएको छ । कम्पनीले यसको सार्वजनिक प्रदर्शन गरे पनि अब यसको लन्च मिति डिसेम्बरमा हुने बताएको छ । कियाले २०१८ अटो एक्सपोमा प्रदर्शन गरेको एसपी कन्सेप्टमा सो एसयूभी आधारित छ ।
कियाले टेक लाइन र जीटी लाइन गरी दुई डिजाइन लाइनमा सेल्टोस एसयूभी उपलब्ध गराउने बताएको छ । टेक लाइनमा प्रिमियम लुक र फिचरका साथै कम्फर्टमा जोड दिइएको छ भने जीटी लाइनमा युवाहरुलाई लक्ष्यित गरी इन्नोभेटिभ फिचर उपलब्ध गराइने छ । डिजेल र पेट्रोल दुवै भेरियन्टमा उपलब्ध यो गाडी को १८ ओटा अप्सनमा उपलब्ध छ। यो डिजेलमा १४९३ सिसी तथा पेट्रोलमा १४९७ र १३१३ सिसीमा उपलब्ध छ। किया एसपी–२ आई कन्सेप्टमा निर्माण भएको सेल्टोस किया सोलभन्दा केही ठूलो र स्पोर्टेजभन्दा केही सानो रहेको छ ।
किया सेल्टोस १.४ लिटर टर्बो जीडीआई पेट्रोल इन्जिन र १.५ लिटर डिजेल इन्जिनमा उपलब्ध हुनेछ । यो ७–स्पिड ड्युअल क्लच ट्रान्समिसन, ६–स्पिड टर्क कन्भर्टनर अटोमेटिक, सीभीटी अटोमेटिक र ६–स्पिड म्यानुअल ट्रान्समिसनमा उपलब्ध हुनेछ । यति धेरै ट्रान्समिसन अप्सनका साथ कम्प्याक्ट एसयूभी उपलब्ध भएको यो पहिलो पटक हो । सो एसयूभीलाई नर्मल, इको र स्पोर्ट गरी तीन विभिन्न मोडमा चलाउन सकिन्छ ।
यो गाडीमा टाइगर नोज ग्रिल, एलइडी हेडलाइट, एलइडी फग ल्याम्प, पुल टाइप डोर ह्यान्डललगायतका विशेषता रहेका छन् । ठूलो आकारको टचस्क्रिन इन्फोटेनमेन्ट सिस्टम, ३६० डिग्री क्यामेरा, वायरलेस चार्जिङ, इन कार वाइफाइ जस्ता सेगमेन्ट फस्ट विशेषताले सेल्टोस चर्चामा रहेको छ । विभिन्न आठ वटा भेरियन्टमा आएको सेल्टोसमा उपलब्ध १.५ लिटर पेट्रोल र डिजेलका साथै १.४ लिटर टर्बो पेट्रोल इन्जिन अप्सनमा पनि उपलब्ध हुने छ । बीएस–६ मापदन्ड अनुरुपको इन्जिन रहेका गाडी अटोमेटिक र म्यानुयल दुबै ट्रान्समिसनमा उपलब्ध हुनेछ ।
किया सेल्टोसको इग्निसन, एसी कन्ट्रोल्स र अन्य फिचर चलाउनका लागि मोबाइल फोनको प्रयोग गर्न सकिन्छ । त्यसैले यो एमजी हेक्टर र हुन्डाई भेन्यु जस्तै कनेक्टेड कार बनेको छ । यसरी कनेक्ट गर्नका लागि कियाले यूभीओ कनेक्ट प्रविधिको प्रयोग गरेको बताएको छ । सुरक्षाका लागि यसमा ६ वटा एयरब्याग, ईबीडी सहितको एबीएस, ईएससी, एचएसी, भीएसएम छन् भने यो एड्भान्स्ड हाई स्ट्रेन्थ स्टिलले बनेको छ । त्यसैगरी यसमा फ्रन्ट र रियर पार्किङ सेन्सर र ब्लाइन्ड भ्यु मिरर छ ।
यो कारमा इलेक्ट्रोनिक पार्किङ ब्रेक, क्वीट मोड तथा ड्राइभर टक मोड, हिल स्टार्ट असिस्ट कन्ट्रोल, नर्मल, इको र स्पोर्ट ड्राइभिङ मोडजस्ता विशेषता रहेका छन् ।यसको प्रतिस्पर्धा महिन्द्रा एक्सयूभी ५००, टाटा ह्यारियर, जिप कम्पास र एमजी हेक्टरसँग हुनेछ ।