गत सोमबार नेपाली बजारमा हुन्डाइको नयाँ क्रेटा सार्वजनिक भएको थियो । नेपालको लागि हुन्डाइ मोर्टसको आधिकारिक बिक्रेता लक्ष्मी इन्टरकन्टिनेन्टलले  ‘नयाँ क्रेटा’ ४ वटा पेट्रोल र २ वटा डिजेल भेरियन्टमा ल्याएको हो । नयाँ क्रेटाबारे बोल्दै लक्ष्मी इन्टरकन्टिनेन्टलका महाप्रबन्धक रूपेश शर्मा भट्टले वर्षौदेखि हुन्डाई क्रेटाले नयाँ स्तर कायम गर्दै नेपालमा पाँच हजारभन्दा धेरै बिक्री भइरहेको बताए । नयाँ क्रेटा १.५ लिटर पेट्रोल र १.५ लिटर भिजिटी डिजेल इन्जिनमा उपलब्ध छ । नयाँ क्रेटाको सुरुवाती मूल्य ४८ लाख ९६ हजार छ भने अधिकतम ६५ लाख ९६ हजार रुपैयाँसम्म रहेको कम्पनीले जनाएको छ । नेपाली ग्राहकको लागी हुन्डाई सबैभन्दा बढी रुचाइएको गाडी हुन सफल भएको छ ।

यस्तो छ ‘नयाँ क्रेटा’को विभिन्न भेरियन्टको मूल्य:

भेरियन्ट	इन्जिन क्षमता	इन्धन	मूल्य
इएक्स	१४९७	पेट्रोल	४८ लाख ९६ हजार
एस	१४९७	पेट्रोल	५२ लाख ९६ हजार
एसएक्स	१४९७	पेट्रोल	५९ लाख ९६ हजार
एसएक्स सिभिटी	१४९७	पेट्रोल	६५ लाख ९६ हजार
इ	१४९३	डिजेल	४३ लाख ९६ हजार
एस	१४९३	डिजेल	५४ लाख ९६ हजार