हिरोको पहिलो तीन पाङ्ग्रे स्कुटर सार्वजनिक

अटो एक्स्पो २०२० मा सबैको ध्यान खिच्न सफल हिरो इलेक्ट्रीकले नयाँ तिन पाङ्ग्रे स्कुटर सार्वजनिक गरेर निकै चर्चा बटुलेको छ । यो भारतीय मोटरसाइकल तथा स्कुटर उत्पादक कम्पनीको पहिलो तिन पाङ्ग्रे उत्पादनको रुपमा बजारमा आएको हो ।

अटो एक्स्पोमा निकै कम टु ह्वीलर्स निर्माता कम्पनीले भाग लिएकोमा यो स्कुटरले सबैको ध्यान खिच्न सफल भएको हो ।

कम्पनीले यसको नाम ‘एई–३’ राखेको छ । ३ किलोवाट क्षमताको मोटर र २.४ किलोवाट आवरको व्याट्री प्याकमा उपलब्ध यो स्कुटर निकै स्टाइीलस रहेको छ । लिथियम आयोन व्याट्री प्याकको साथ आएको यो स्कुटर एक पटकको फुल चार्जमा १०० किलोमिटर चलाउन सकिने कम्पनीले दाबी गरेको छ ।

यसको टप स्पीड भने ८० किलोमिटर प्रतिघन्टा रहेको छ । यसमा दिइएको इन्ट्रुमेन्ट कन्सोल पूर्णत डिजिटल रहेको छ । यसमा स्मार्ट फोन कनेक्टीभिटी, जीपीएस, रियल टाइम ट्रयाकिङ जस्ता फिचर सपोर्ट गर्नेछ ।

Share Page

0 Comments

Write a comment

menu
menu