जर्मनीको अटोमोबाइल कम्पनी बिएमडब्लूद्वारा उत्पादित जी–३१० आर र जी–३१० जिएस मोटरसाइकल नेपाली बजारमा भित्रिएको छ ।एड्भेन्चर टुरिङको लागि संसारको चर्चित ब्राण्ड बिएमडब्लुको ‘जि३ १०आर’ मोडलको मोटरसाइकल गत डिसेम्बरमा नेपालमा सार्वजनिक भयो।
यो सगैँ ‘जि ३ १० जिएस’ पनि सार्वजनिक भएको थियो। ३१३ सिसीको सिङ्गल सिलिण्डर भएको ‘जि३ १०आर’ नेपाली युवा माझ लोकप्रिय बनेको छ। केही समय अघिमात्र नेपाली क्रिकेटर सन्दिप लामिछानेको रोजाइमा परेको ‘जि३ १०आर’ ३ ओटा कलर कालो,रातो र सेतो रङ्गमा उपलब्ध छ।
बाइकमा राइडिङ क्षमतासँगै उत्कृष्ट ब्रेकिङ सिस्टम दिइएको कम्पनीको दाबी छ। यसको फ्रन्ट र रियरमा १७ इन्च अलोय ह्विल दिइएको छ भने डबल च्यानल एबिएस र अगाडि ३०० एमएम डिस्क ब्रेक र रियरमा २४० एमएमको सिंगल पिस्टोन क्यालिपर जडित डिस्क ब्रेक दिइएको कम्पनीको भनाइ छ।
यो हेर्दा निकै आकर्षक र स्पोर्टी छ। यसलाई कम्पनीले चलाउन सहज हुने गरी डिजाइन गरेको छ।कम्पनीले कालो र रातोको मूल्य ९ लाख ५० हजार निर्धारण गरेको छ भने सेतो रङको मूल्य ९ लाख ७५ हजार रुपैयाँ रहेको छ।
सेतो कलर स्पेसल कलर भएकोले केही महंगो भएको कम्पनीले जनाएको छ। कम्पनीको इभेन्टहरु र शोरुम भिजिट पनि उत्साहजनक भएको कम्पनीको दावी छ। ‘जि ३ १० जिएस’ले ९५०० आरपिएममा ३४ बिपिएच पावर र ७५०० आरपिएममा २८ एनएम टर्क जेनेरेट गर्छ।
यसको फ्युल ट्याङ्क क्यापसिटी ११ लिटर भएकोले लामो दूरीमा धेरै समस्या पर्दैन।टप स्पिड १४३ किलोमिटर प्रतीघण्टा भएको ‘जि ३ १० जिएस’को ग्राउण्ड क्लेयरेन्स १६५ मिलिमिटर रहेको छ।
उत्कृष्ट डिजाइन, आकर्षक बडी र उच्च पर्फर्मेन्सका कारण बिएमडब्लू बाइक संसारभर चर्चित रहेको कम्पनीको भनाइ छ। कम्पनीले इन्ट्री लेबलका जी–३१० का दुई मोडललाई आकर्षक बनाउन कुनै कसर बाँकी नराखेको जनाएको छ।
यी बाइकमा सार्प र सिल्क बडी, सिंगल–स्क्रिन, डिजिटल इन्स्ट्रुमेन्ट कन्सोलको प्रयोग गरिएको छ। जसलाई ‘पेन्टागनल विन्ड सिल्ड’ले ढाकिएको छ। टेकोमिटर, स्पिडोमिटर, ओडोमिटर, फ्युलगेज, गियर इन्डिकेटर, एबिएस सिग्नलका साथै अन्य थुप्रै रेगुलर फिचर यसमा छन्।