१४ वर्षसम्म उत्पादन नभएको बजाजको चेतक स्कुटर फेरी बजारमा आउने भएको छ।बजाज अटोले आफ्नो पहिलो इलेक्ट्रिक स्कुटरलाई सार्वजनिक गर्ने अनुमान गरिएको छ । यो भन्दा पहिले पनि पुने र यसको आसपासमा यसको इलेक्ट्रिक स्कुटरलाई टेष्ट गरिरहेको समाचारहरु सार्वजनिक भइसकेका छन् ।

यो स्कुटर २ ओटा भेरियन्टमा उपलब्ध हुनेछ। इको भेरियन्टको स्कुटरले ९५ किलोमिटर र स्र्पोट भेरियन्टले ८५ किलोमिटर माइलेज प्रदान गर्ने एजेन्सीले जनाएको छ। चेतक स्कुटर ६ ओटा रङ्गमा उपलब्ध हुनेछ। बजाज चेतक इलेक्ट्रीक स्कुटर २०२० को जनावरीमा सार्वजनिक हुने बताइएको छ। यसका फिचर्स र मूल्य हालसम्म सार्वजनिक भईसकेको छैन।

पहिले सार्वजनिक भएको तस्बिरका आधारमा सो स्कुटर रेट्रो–मोडर्न डिजाइनको हुनेछ भने हाल प्रचलित भेस्पा स्कुटरको स्टाइलबाट यो प्रभावित हुनेछ । यसको अघिल्लो भागमा राउन्ड हेडल्याम्प हुनेछ, जुन अल–एलईडी वा एलईडी डीआरएलको हुनेछ । बजाज अटोले १९७२मा पहिलो पटक सार्वजनिक गरेको चेतकको २००६मा उत्पादन बन्द गरेको थियो। 

त्यसैगरी नयाँ बजाज चेतकमा यूएसबी चार्जिङ प्वाइन्ट, सीबीएस ब्रेक, ठूलो इन्धन ट्यांकी र ओभल आकारको हेड ल्याम्प्स हुनेछ । प्रिमियम अपिलका लाग यसमा क्रोमको प्रयोग गरिएको छ । यसमा १२५ सीसी एयरकुल्ड इन्जिन छ, जसले ९ देखि १० बीएचपी पावर र ९ एनएम टर्क प्रदान गर्छ ।

यसको मूल्य भारतीय बजारमा करिव १ लाख भारुको हाराहारी हुने अनुमान गरिएको छ । जे भए तापनि बजाजको यो स्कुटर बजारमा आयो भने फेरि अर्को हलचल हुने अनुमान गर्न सकिन्छ । यदि बजाजको नयाँ चेतक बजारमा आयो भने होन्डा एक्टिभा, पियाजियो भेस्पा र अप्रिलिया एसआर १५० आदिसँग यसको प्रतिस्पर्धा हुनेछ ।