नेपाली बजारमा बजाजको एभेन्जर सिरिजको सबैभन्दा सानो क्रुजर मोटर बाइक एभेन्जर स्ट्रिट १६० एबीएस सार्वजनिक भएको छ । नेपालका लागि बजाजको आधिकारिक वितरक हंसराज हुलासचन्द एन्ड कम्पनीले डिलरमार्फत सामान्य रुपमा यो बाइक बिक्री भएको घोषणा गरेको छ । सो मोटर बाइकको नेपाली मूल्य ३ लाख १९ हजार ९ सय रुपैयाँ तोकिएको छ । बजाज नेपालको अफिसियल वेबसाइट तथा फेसबुक मार्फत सो मोटर बाइक सार्वजनिक गरिएको थियो ।

बजाज एभेन्जर १६० क्रुजर बाइकमा १६० सीसीको इन्जिन रहेको छ भने यसले ८,५०० आरपीएममा ११.०३ पीएस पावर र ७००० आरपीएममा १३.७ एनएम टर्क जेनेरेट गर्छ । सो मोटर बाइक बीएस–६ मापदण्ड अनुसारको मोडलमा रहेको छ  । नयाँ एभेन्जरमा सिंगल च्यानल एबीएस समेत रहेको छ । यसको अघिल्लो पांग्रामा २६० एमएमको डिस्क ब्रेक र पछिल्लो पांग्रामा १३० एमएमको ड्रम ब्रेक छ । यसको फ्रन्टमा टेलिस्कोपिक फोर्क र रियरमा ट्विन सक एब्जर्बर छ । सो बाइकको ग्राउन्ड क्लियरेन्स १६९ एमएम र १३ लिटरको इन्धन ट्यांकी छ ।

यसले ५—स्पीड म्यानुअल ट्रान्समिसन प्रयोग गर्छ। सो मोटर बाइकको अगाडि २८० एमएम डिस्क ब्रेक र पछाडि १३० एमएम ड्रम ब्रेक छ ।यसमा लामो सिट छ ।  सो मोटर बाइकमा स्ट्रीट कन्ट्रोल ह्यान्डलबारहरु जडान छन् ।  याे १६० सिसी डीटीएस—आई इन्जिनमा छ । यो स्पाइसी रेड र इबोनी ब्ल्याक कलर संस्करणमा पाइन्छ । यसको सुरुवाती मुल्य तीन लाख १९ हजार ९ सय रहेको छ । सो मोटर बाइक बिहीबारदेखि बजारमा उपलब्ध रहेको कम्पनीले जनाएको  छ ।